Gazteontzako lan eskubideen gida

Ernai, LAB

(cas) LEER Guía de derechos laborales para jóvenes

Bi erakundeek “Gazteontzako lan eskubideen gida” aurkeztu dute gaur komunikabideen aurrean.

Ainhoa Etxaidek bi antolakundeen arteko aliantza kokatu du, Maiatzaren Lehenaren testuinguruan aurkeztu zena.

Aliantza honen helburuak honakoak lirateke. Batetik, langile eta gazte mugimenduen indarrak batu egoera aldatzeko borroka indartzeko. Konpartitzen dugun oinarri sendoena hori da: egoera hau ez dugu onartzen, ez dugu egoeraren aurrean gobernuek egiten ari direna onartzen eta ez dugu egiten dutena errespetatuko, egiten dutenaren kontra borrokatuko dugu egoera aldatu dezagun.

Bigarrenik, Ernai eta LABen arteko lankidetza antolatu borroka eskaintza eraginkor eta egoki bat egiteko. Maiatzaren lehenetik hona horretan ibili gara. Elkarlan eremuak zehazten, borrokan bat egiteko bideak arakatzen, bakoitzak bere eremuan borrokatzeko barne lanak egiten.

Aliantzaren emaitza da “Gazteontzako lan eskubideen gida”, bereziki kezkatzen gaituelako euskal gazteriaren egoera lan munduari dagokionez.

Etxaideren esanetan, gazteek beren aldea bete dute, inoizko gazteriarekin trebatuena eta prestatuena dugu. Eskaintzen zaien bakarra prekarietatea da eta bazterketa soziala da.

Ikasketak bukatuta gazteak ez dute eskubiderik eta ez dute eskubideak sortzeko aukerarik. Hiru aukera dituzte, familiari lotuta jarraitu, kanpora alde egin edo bazterketa soziala. Aurrekoaren ondorioz, kasurik onenean, guztiz prekarioa den enplegu bat onartzera behartuta daude. Gogoratzekoa da gazteen arteko langabezia %40tik gorakoa dela.

Etxaidek aipatu du bizi proiektu duin eta autonomo bat eraikitzeko eskubidea ukatzen zaiela gazteei. Hori da gaurko sistemaren errealitatea, egungo gobernuen politika bakarra gazteriari begira.

Egoera guztiz aldatuko litzateke gazteak lan munduan modu duin batean sartzeko aukera izango balute. Baina lan merkatuan sartzeko aukera lapurtu egiten zaie hartzen diren neurriekin: jubilazioak atzeratzea, enplegua sortzeko neurririk ez hartzea, gazteak kontratatzeko bide egokirik ez ezartzea eta gazteen kontratazioa lagunduko duten benetako bideak antolatzea.

Lan mundura sartzeko bideak guztiz prekarioak dira neurri handi batean; praktika kontratuak, krisi honetan nagusitzen ari diren kontratu partzialak… Norabide honetan nabarmentzekoa da instituzioen utzikeria. Adibidez, Eusko Jaurlaritzak orduan 3 euroko soldatak aurreikusten ditu bere gazteentzako planean.

Gazteak lan mundura nola sartzen diren erreparatuz egin da gida. LABen arabera sarbide duinen alde borrokatu behar dugu, gazteei euren burua defendatzeko eta euren eskubideen alde borrokatzeko tresnak ziurtatu behar dizkiegu.

Etxaideren arabera, ezin dugu errealitate honen aurrean beste alde batera begiratu eta LABen aldetik norabide hirukoitzeko lerroa finkatuko dugu. Lehenik, gazteak antola daitezen eta borroka dezaten laguntzea. Bigarrenik, borrokak bateratzea. Eta hirugarrenik, gazteen lan eskubideen aldeko borroka sindikala indartzea.

Gidak hiru norabidetan aurrera egiteko balio duela esanez amaitu du bere interbentziao Etxaidek. Egoeraren ezagutzea eta egoerari aurre egiteko tresna egin da gazteek borroka hau antolatu dezaten. Bestetik, gazteak lan merkatuan sartzeko dauden bide ankerrak gure indarrak batuz salatu eta borrokatuko dituen lerrorako tresna da. Hirugarrenik, lan munduan egoera hauek borrokatzeko konpromiso sindikalak hartuko ditugu: praktiken jarraipena, negoziazio kolektiboan klausula zorrotzagoak, egoera zehatzen salaketa…

Jarraian, Ernaiko bozeramaile Irati Sienrak hartu du hitza eta gidaren arrazoiak azalduz hasi du bere interbentzioa. Alde batetik, urrats berria da LAB eta Ernairen arteko aliantzan.

Gazteak lan merkatuan bakarrik daudela sinestarazi nahi dietela aipatu du, eskubide eta informazio gabe. Hasi berriak direnaren aitzakiapean esplotatu egin nahi dituztela. Gazteek bizi duten prekarietate basatia ez da kasualitatea. Bestetik, lan merkatu harremanak eraldatu nahi ditugunok, egoera zein den jakin eta borrokatu behar dugu (ditugun eskubideak eta eduki beharko genituzkenak). Gidak gazteria eta borroka sindikalaren arteko ekinbidea eta gazteria eta sindikatuen arteko harremana estutzen ditu.

Gida hau gazteen lan eskubideak zeintzuk diren ezagutzeko tresna da, gazte langileen atomizazioa gaindituz. Kapitalaren aurrean eta eskubideekin aberasten direnen aurrean antolatzeko beharra azalerazten du. Eskubideen murrizketa eta ukazioa etengabe ematen dela agerian uzteko tresna bezala kokatu du gida. Bestalde, inposatutako prekarietatearen aurrean gazteek burujabetza behar dutela aldarrikatzeko tresna da.

Gidaren edukiei dagokionez, kontuan hartu behar da borrokarako tresna bat dela. Informazioa emateaz gain praktikara begira tresna da, antolakuntza eta borrokarako tresna. Lau ataletan dago banatuta:

- Lan merkatuan sartu aurretik kontuan hartzekoak. Hemen gazteen lan bila daudenean kontuan izan beharrekoak jasotzen ditu, ABLEak zertarako diren, bekadun moduan dituzten eskubideak…

– Lan kontratuaren inguruko zehaztapenak. Dauden kontratu motak, bakoitzaren ezaugarriak…

– Behin kontratua sinatuta, kontuan hartzekoak. Nomina, lan osasuna, hitzarmen kolektiboak…

– Lan kontratuen amaiera. Kaleratzearen aurrean zer egin, nora jo…

Aurrera begirakoak ere izan ditu mintzagai Irati Sienrak. Gidaren zabalpena izango da aurrena. 12.000 ale argitaratuko dituzte. Zabalpenerako, hiru eremu identifikatu dituzte. Lehenik eta behin, hezkuntza, unibertsitate eta lanbide heziketako zentruak. Bertako gazteak dira gero lan merkatuan erarik prekarioenean sartuko direnak. Hitzaldi eta tailerrak antolatuko dituzte. Bigarrenik, kalea, gazteen borroka espazio naturala ere badelako. Herri eta eskualdeetan ere zabalpenerako ekimenak burutuko dituztela adierazi du. Eta hirugarrenik, enpresetan.

Zabalpenaz gain, aurrera begira ildo mobilizatzaile bati ekiteko asmoa dutela adierazi dute, gazteen eskubideen defentsan, eskubideak ezagutzetik borrokatzera igarotzeko.

LEER Guía de derechos laborales para jóvenes  (pdf)

IRAKURRI Gazteontzako lan eskubideen gida (pdf)

...irakurrri

guk LABekin bat!!!

...irakurrri

LAB, gure sindikatua

Egoera politiko, ekonomiko eta sozialak bultzatuta Euskal Herrian bizi dugun errealitatearen aurrean sindikatuari sortzen zaizkion erronkak azaldu eta haiei aurre egiteko langileok elkarrekin LABen borrokatzeak duen garrantzia azpimarratzen duen bideoa.

Hauteskunde sindikalen epealdi garrantzitsuenean sartzera goaz eta sindikatua bertatik indarberritua ateratzeak langileok eta euskal herritarrok aldarrikatzen dugun aldaketaren bidean urratsak emateko aukerak biderkatuko ditu. Eta horregatik, Guk LABekin batera egin nahi dugu bidea.

...irakurrri

Euskal Herrian finantza-sistema Publiko baten aldeko mobilizazioa Donostian

“Euskal Herrian finantza sistema publikoa, Kutxak-Kutxabank pribatizaziorik ez” plataformak deituta gaur Kutxabanken pribatizazioaren kontrako mobilizazioa burutzen ari da Donostiako Andia kalean.

Gaur Kutxako batzarrak Kutxa banku-fundazio bihurtzeko erabakia hartuko du, EAJ, PP, PSE eta CCOOen aldeko botoarekin. Eraldatze honekin Kutxen gaineko kontrol publiko eta soziala erabat galduko da, eta Kutxabank guztiz pribatizatzeko eta akzioak kapital pribatuari saltzeko bidea hasiko da. 11:00etan akanpada batetik ekimenari hasiera eman zaio, 12:00etan prentsaurrekoa izan da eta 15:00etarako kazerolada deitu da.

“Euskal Herrian finantza sistema publikoa, Kutxak-Kutxabank pribatizaziorik ez” plataformaren irakurketa

Euskal Herrian finantza-sistema Publikoa

Kutxak-Kutxabank pribatizaziorik ez

“Euskal Herrian finantza sistema publikoa, Kutxak-Kutxabank pribatizaziorik ez” plataformak dei egiten die Euskal Kutxak-Kutxabanken bankarizazio eta prekarizazioak kaltetutako sektore guztiei urriaren 24rako antolatu duen akanpada eta kontzentrazio zaratatsuan modu aktiboan parte hartzera. Donostiako Andiak kalean burutuko da akanpada, goizeko 10etatik aurrera eta kontzentrazioa, arratsaldeko hiruretatik aurrera.
Urriaren 24an batzarrak erabakiko du Kutxa banku-fundazio bihurtzea, EAJ, PP, PSE eta CCOOen aldeko botoarekin. Eraldatze honekin Kutxen gaineko kontrol publiko eta soziala erabat galduko da, eta Kutxabank guztiz pribatizatzeko eta akzioak kapital pribatuari saltzeko bidea hasiko da.
Ez dago Europa eta Espainiako legerik hau egitera derrigortzen duenik; hala azaldu du Gipuzkoako Foru Aldundiaren txostenak. Europan kutxek aurrezki guztiaren %55 biltzen dute. Euskal Kutxen likidazioa euskal jendarteari egin zaion iruzur politiko eta ekonomikorik handiena izango da, Estatutua eta Foruaren Hobekuntzatik hona.
Orain arte Kutxak irabazi asmorik gabeko finantza-erakundeak ziren, udal- eta foru-erakunde publikoen esku zeuden, eta konpromisarioek osatutako batzarrek gidatzen zituzten (batzarretan ordezkatuta zeuden erakundeak, bezeroak eta langileak). Etekinen %30 Gizarte-ekintzara bideratzen zen.
Krisi ekonomikoaz baliatuta, gobernuek eta erakunde neoliberalek kutxen izaera publiko eta soziala desegiteari ekin diote, banku handiek eta espekulatzaileek beregana ahal ditzaten.
Horretarako Estatu mailan hedatzeko politika ezin okerragoa egin dute: finantza-erakundeak erosi, lurzoru eta etxebizitzetan egindako inbertsio espekulatiboak; kontuak koadratzeko aktiboak eta ondarea saldu dute, eta etekinak lortzen dituzte bezerorik xeheenen lepotik (etxe-gabetzeak, komisioak...).
Espoliazio honi aurre egin behar diogu. Inork ez digu argudio politiko, sozial edo ekonomiko bat bera eman Euskal Kutxak likidatzea gure ekonomiarentzat ona izango dela azaltzeko.
Honakoa exijitzen dugu:

• Kutxa banku-fundazio bilakatzea saihestea. Kutxa desagertu egingo da eta 15 lagunek osatutako talde batek inolako kontrolik gabe erabakiko du nori salduko zaizkion Kutxak Kutxabanken dituen akzioen %32a. BBKn eta Vitalen egindako prozesuari atzera eragin behar zaio.
• Kutxak-Kutxabank pribatizatzeko prozesua bertan behera uzatea eta berton legeak egitea Euskal kutxen izaera publiko eta soziala indartzeko, baita lurraldearekiko, enpresa txiki eta ertainekiko eta pertsonekiko konpromisoa areagotzeko.
• Kutxabank publikoa izatea. Gainbegiratze, kontrol eta kudeaketa organo demokratikoak.
• Hitza eman dezatela Kutxabanken akzio bat ere ez dela kapital pribatuaren esku jarriko.
• Euskal jendarte guztiak parte hartzeko moduko eztabaida soziala eta erabakia.

Euskal Herrian, 2014ko urriaren 20an

Eragile sozialak: AHT Gelditu Elkarlana –Berri-Otxoak – Bilboko Auzo-Elkarteen Federazioa – Denok lan – Euskal Herriko Pentsionisten Plataformak – Ezker Gogoa – IRPH Stop – Kontsumitzaile Elkarteak (EKE, UCE, EKA, EHKB, OCUV) – Kutxabank publikoa bilgunea – M15 – REAS (Red de Economía Alternativa y Solidaria) – PAH Kaleratzerik ez! – STOP desahucios Gasteiz – STOP deshaucios Gipuzkoa.

Sindikatuak: EHNE (primer sector) – HIRU (transportistas autónomos) – ELA – LAB – ESK – STEE/EILAS - CNT

...irakurrri

«Gora Euskal Errepublika» mobilizazio nazionala Bilbon Urriaren 12an

Independentistak Sareak deituta datorren urriaren 12an euskal errepublika aldarrikatzeko mobilizazio/ekimen nazionala burutuko da Bilboko Plaza Zirkularrean goizeko 11:30tan. «Gora Euskal Errepublika. Bagoaz. Caminando hacia la independencia!» leloari jarraituz, LABek bertan parte hartzeko deia luzatu nahi die Euskal Herriko langile eta herritar guztiei.

...irakurrri

Kutxaren kontrol publiko eta soziala bermatzeko Aldundiak proposamena aurkeztu du

Kutxa pribatizatzeko egitasmoaren aurrean, Gipuzkoako Foru Aldundiak haren kontrol publiko eta sozialari eusteko proposamena aurkeztu du. Proposamenak berme juridiko osoa du, eta erabat legezkoa eta egingarria da. Txosten juridiko batek bermatzen du haren legezkotasuna.

Dokumentu deskarga

• Kutxabank_proposamena [PDF]
• Txosten juridikoa [PDF]

 

Funtsean, Kutxak Kutxabanken dituen akzioak udalen eta Foru Aldundiaren esku uztea da proposamena, doako esku-aldatze baten bidez. Kutxak ere akzio kopuru jakin bat izango du eta Gizarte Ekintza kudeatzeaz arduratuko da fundazio arrunt gisa eta banku fundazio bihurtu beharrik gabe. Era horretan, Kutxa gipuzkoarrek aukeratutako instituzioen esku geratuko da eta ez interes pribatuen mende.

Proposamen honek berdin-berdin balio du Kutxabank osoarentzat.

Foru Aldundiak uste du funtsezkoa dela Gipuzkoako erakundeek, alderdi politikoak eta eragile sozialek proposamen hau ezagutzea, eta prest dago hari buruz hitz egiteko. Izan ere, gipuzkoar guztion ondare bat dago jokoan.

...irakurrri

LAB: «Con su decisión ante el proceso de consulta el Gobierno español ataca a Cataluña y a Euskal Herria»

Manifiesto de LAB ante la convocatoria que ha realizado el Gobierno de Cataluña para el 9 de noviembre y la decisión tomada por el Tribunal Constitucional de España de invalidar el decreto de la convocatoria y la ley de consulta de Cataluña.

La actitud y la decisión tomada por el Gobierno español ante el proceso de consulta es un ataque contra Cataluña y al mismo tiempo es un claro ataque contra Euskal Herria, puesto que confirma la actitud del Estado ante las reiteradas reivindicaciones de la ciudadanía vasca a favor del derecho a decidir.

Esta decisión se ha tomado en un contexto de reforma de Estado; la negativa dada a Cataluña indica claramente la vía que ha escogido El Gobierno Español, dando de lado al cumplimiento del derecho a decidir de los pueblos y cerrando las puertas a cualquier proceso basado en el acuerdo. La decisión tomada, a la hora caracterizar la reforma de Estado, deja en evidencia el camino que toma el Gobierno de Madrid: rechaza cualquier posibilidad de reconocer el derecho a decidir mediante un proceso democrático, así como la opción de ejecutar una hoja de ruta para llevarla a cabo.

Es hora de que todos los agentes vascos respondamos de forma conjunta, debatiendo y decidiendo a nivel político, social y sindical los pasos a dar ante este ataque contra los derechos civiles y políticos fundamentales. Esa es la respuesta que quiere y necesita Euskal Herria; si logramos acuerdos ello difícilmente estaremos a la altura que este pueblo exige. En este sentido, el PNV deberá aclarar donde sitúa el debate sobre el estatus político y quien será su compañero de ruta, la gestión antidemocrática del Gobierno de Madrid o el acuerdo entre los agentes vascos.

El sindicato LAB muestra su voluntad para construir acuerdos a favor de una respuesta conjunta. Asimismo, LAB llevará a los centros de trabajo la denuncia de este último ataque a Cataluña y Euskal Herria, así como la lucha a favor del derecho a decidir. El sindicato hace un llamamiento a sus afiliados y afiliadas y a su militancia para que se unan a la lucha a favor del derecho a decidir, tanto en las empresas como fuera de los centros de trabajo.

 

...irakurrri

Hauteskunde sindikaletarako LABeko taldea

 

Hauteskunde sindikaletara begira, Goierri beheko LABeko kideek euren hautagaitza aurkeztu dute. Lehen hauteskundeak azaroan hasiko dira (CAFen), eta azkenak apirilean egingo dituzte (Arcelorren). Tarte horretan izango dute hauteskundeetarako epe trinkoa gainerako lantegiek. LABek hauteskunde hauen garrantzia azpimarratu zuen pasa den ostegunean egin zuten aurkezpenean, «hauteskunde hauetan gertatzen denari begira izango baititugu bai patronala eta baita gobernuak ere».

 

LABen helburua «Euskal Herria aldatzea» dela azaldu zuten: «Euskal Herriko langileriaren egoera eraldatzeko borroka egiten dugu, eta baita beste herrietakoena aldatzeko ere. Eta hori lan militantearekin eta ekintza sindikalarekin egiten dugu».

 

Gehien igo den sindikatua

Prentsaurrekoan azaldu dutenez, LAB da lan erreforma aldatu zenetik gahien igo den sindikatua, eta hori «ez da kasualitatea» euren ustez: «Patronalaren posizioa deslegitimatu eta negoziazio kolektiboa agenda politikoaren eta instituzionalaren erdian jarri genuen. Konfrontazioa instituzioetaraino eraman genuen, posizioak mugitu, presionatu eta negoziazio bat behartu genuen. Hori da LAB, proposamenak egiten dituen sindikatua, hitzarmenen defentsan ari den sindikatua», zehaztu zuten.

 

Hauteskundeetara euren lerro eta jarrera sindikala berrestuz aurkezten direla azaldu dute, «hobetzeko konpromisoarekin, gure estrategia sindikalean sakontzeko asmoarekin; baina ikuspegian asmatzen dugula pentsatu».

 

«Kritikatu, salatu eta alternatiba badagoela aldarrikatu behar dugu», «Indarrak bildu behar ditugu gure irakurketaren inguruan eta indar horiek alternatibaren eraikuntzara bideratu behar ditugu», azaldu zuten.

 

Amaitzeko LAB bozkatzeko deia egin zuten, «aldaketa politiko eta sozialaren prozesua indartzeko».

...irakurrri

Ainhoa Etxaide: ¿Qué problema tiene el PNV en hacer una ofensiva ante el Estado en clave de derecho a decidir?

Ainhoa Etxaide en la última asamblea de delegados y delegadas.

En una entrevista concedida a la agencia Europa Press Ainhoa Etxaide analiza la situación política y económica de Euskal Herria. En lo que a política se refiere, la secretaria general de LAB, entre otros cosas, declará que en la agenda del PNV no ve que se incluya el derecho a decidir ya que “se oye hablar de autogobierno, de bilateralidad” y no de planteamientos para sumarse a la posición mayoritaria de hablar para conseguirlo. En el plano económico, Etxaide analiza el dialogo social y la decisión de LAB de no participar en ella con la actual “oferta”, las diferentes maneras de enterder la negociación colectiva de los sindicatos y el anteproyecto de Ley de Empleo Público.

LAB no estará en el diálogo social con la actual "oferta" (Europa Press) LAB pide al Gobierno Vasco que aclare "cuál es su plan para forzar a Rajoy" (Europa Press)

...irakurrri

FSMko metalgintzako saila Donostian elkartu da Europa mailan sindikalgintza alternatibo bat nola artikulatu aztertzeko

Munduko Sindikatuen Federazioko (FSM) hainbat kide Euskal Herrian dira metalgintzako langileak batzen dituen UISMMa Europa mailan nola artikulatu aztertzeko. Bilera hauen zergaitiak zehazteko prentsaurrekoa eskaini dute LABek Donostian duen egoitzan.

2008an sortu zen UISMM Donostian, orduan LABeko Nazioarteko Idazkari zen Jesus Maria Getek hartu zuen Idazkaritza Nagusia. Rion egin zen UISMMaren II kongresuan, estruktura erregioten banatzea erabaki zen eta Euskal Herrian burutu den bilera europako taldeak egiten duen lehenengoa da.

Elkarrizketa hauen helburua FSMko Metaleko saila indartzea dela adierazi dute prentsaurrean. Honetarako metaleko langileen arteko elkarlana bultzatzea eta metaleko sindikatuen arteko aliantzak indartu behar direla proposatu dute. Beti ere sindikalgintza alternatibo bat eraikitzeko bidean urratsak emanez.

...irakurrri