Patronalak negoziazio kolektiboan ezarritako blokeoa salatu du LABek

albistea

LAB sindikatua Bilbo, Donostia eta Gasteizen manifestatu da negoziazio kolektiboaren erantzule den CONFEBASKen jarrera salatu eta Jaurlaritzari langilegoaren eskubideen eta enpleguaren alde erabakiak har ditzala eskatzeko. Sindikatuak negoziazio kolektiboaren eta enpleguaren defentsan mobilizatzen jarraituko duela iragarri du. Gaur arratsalderako Gipuzkoako eskualde ezberdinetan ADEGIren posizioa salatzeko mobilizazioak daude deituta.

Donostiako mobilizazioaren hasieran, LABeko ekintza sindikaleko eta negoziazio kolektiboko idazkari den Garbiñe Aranburuk, sindikatua gaurkoan mobilizatzera eraman duen arrazoia azaldu du medioen aurrean. Aranbururen hitzetan patronalak hartutako blokeorako jarrera legeen aldetik duten babesak, neurtu ez den eta negoziazio mahaietan gehiengoa ematen dion ordezkaritzak eta Jaurlaritzatik jasotzen duen babes politikoak egiten dute posible.

Hau horrela izanik, LABek interpelazio zuzena egin nahi izan dio gaur Jaurlaritzari eta PNVri bereziki. Sindikatuak instituzioari eskatu dio CONFEBASKi ematen dion babes politikoa kentzeko eta era berean Jaurlaritza bera mugi dadila blokeo egoera gaindutua izan dadin euskal herritarron eta langileon eskubideen mesedetan.

Aranburuk udaletxetan mozio bitartez instituzioei interpelazioa egiteko martxan jarritako dinamikaren berri eman du, eta astelehen honetan bertan Tolosan eztabaidatu den lehen mozioak PNVren jarrera zein den argi utzi duela adierazi du. EHBildu eta PSEk mozioa onartu dute eta PNVk patronala eta sindikatuak parez pare jartzen dituen kontramozio bat aurkeztu du. LABentzat hon

Jarrera honen aurrean Aranburuk LAB sindikatua mobilizatzen eta salatzen jarraituko duela adierazi du.

2 pertsona identifikatu dituzte Donostiako mobilizazioan
Manifestazioaren amaieran 2 pertsona identifikatu ditu poliziak Jaurlaritzaren Delegaritzan ADEGIren jarrera salatzen zuten pegatinak jartzeagatik.

14.07.02
  Arratsaldeko mobilizazioen irudiak

 

Albiste gehiago

...irakurrri

CONFEBASKen jarrera salatuko du LABek bihar Donostia, Bilbo eta Gasteizen

LAB sindikatua kalean izango da bihar negoziazio kolektiboan bizitzen ari garen blokeo egoeraren erantzule den CONFEBASK patronalaren jarrera salatzeko, erantzuleak seinalatzeko eta instituzioei, bereziki Jaurlaritzari, egoera konpontzeko erabakiak har ditzala eskatzeko. «Patronala lapurrak! Enpleguaren defentsan, hitzarmenak orain!» lelopean hiru manifestazio burutuko dira goizean Bilbo, Gasteiz eta Donostian.

Bide beretik, eta kasu honetan bereziki ADEGIren jarrera salatzeko, arratsaldean Gipuzkoako eskualde guztietan mobilizazio ezberdinak egingo dira, (Donostia, Ordizia, Orereta, Azkoitia, Eskoriatza...).

Mozioak udaletxe ezberdinetan
Bide beretik eta Instituzioei interpelatzeko asmoz, udaletxe ezberdinetan mozioak aurkezteko dinamika bati eman dio hasiera LABek, udazkenean segina izango duena.

Patronala lapurrak! Uztailaren 2an KALERA! Enpleguaren defentsan hitzarmenak orain!

Mobilizazioaren helburua
- Mobilizazioaren helburua da, negoziazio kolektiboan bizitzen ari garen blokeoa salatzea, erantzuleak seinalatzea eta instituzioei bereziki Jaurlaritzari egoera konpontzeko erabakiak har ditzala eskatzea.

- Negoziazio kolektiboa guztiz blokeatzen du CONFEBASKek. Lan erreforman sakontzeko ez bada, soldata igoerak mugatu eta lan baldintzak kaskartuz, sortzen den aberastasuna gero eta okerrago banatzeko ez bada, akordioei atea ixten diete. Salbuespena dira sinatzen diren sektoreko akordioak.

Nola da posible hainbeste denboran blokeoa mantentzea? Hiru arrazoi nagusi daude:
- Enpresariek legeetatik jaso dituzten onurak, lan erreforma negoziazio kolektiborako eskubidea ezerezean uzteko helburuz egin da.

- Inoiz neurtua izan ez den ordezkaritza: honek, negoziazio mahai gehienetan gehiengoa ematen die CONFEBASKen barnebiltzen diren enpresa elkarteei, ADEGI/CEBEK/SEA. Gehiengo hau erabiltzen ari dira erabaki politiko baten arabera negoziaizo mahaiak blokeatzeko eta akordiorako aukera guztiak zapuzteko.

- Jaurlaritzaren babesa: patronalaren jarrera hau ez litzateke posible izango Jaurlaritza – PNVk eskaintzen dien babes politiko eta sozialik gabe. Jaurlaritzak ezin du ustez ekidistantzia jarrera mantendu patronal eta sindikatuen artean baina gero egun bat bai eta hurrengoan ere bai CONFEBASK babesten jarraitu bai egiten dituzten adierazpenetan, bai burutzen dituzten politika publikoetan. 

CONFEBASKek gero eta zilegitasun gutxiago dauka jarrera honekin jarraitzeko
- LABek, denbora darama CONFEBASKek elite txiki baten interesak baino ez dituela defendatzen esanez, enpresarien gehiengoa ez duela ordezkatzen edota euskal ekonomiaren beharrei bizkar eman diela salatuz. Azken hilabete hauetan geroz eta argiago ikusten ari garen errealitatea da honakoa.

- Uztailaren 7ak sortu zuen egoera berriaren aurrean, ikasturte honetan, negoziazio kolektiboaren defentsa enpresatara eramatea erabaki genuen, beti ere sektoreko hitzarmenak defendatzen jarraituz. 

- Honela, enpresatan, hainbat enpresarirekin egotea egokitu zaigu. CONFEBASKek egun jokatzen duen paperarekiko zalantzak edota desadostasunak geroz eta gehiago ari dira nabarmentzen. Desadostasunak nabariak da, asko eta asko dira Adegi, Cebek edota Seak daramaten negoziazio kolektiborako lerroarekin bat egiten ez dutenak. Egia bada ere, hortik haratago beste urratsik ematea kosta egiten dela eta desadostasun hori ez da publiko egiten.

- Enpresari ertain eta txikiak, autonomoak….. ezinegona areagotzen ari da, enpresen arteko sinergiak bilatu ordez, euren arteko lehia nagusituko delako lan harreman erabat desaratu batean, konpetentzia desleala. Baita, lan kostuen etengabeko merkatzean lehiatzeak kontsumoa eta enplegua kaltetzen dituelako ere.

Desblokeoarako estrategia behar da:
- LABetik Borrokatzen jarraitu: lantokietan eta kalean, jarraituko dugu instituzioak interpelatzen. Jarraituko dugu proposamen berriak egiten, jarraituko dugu mobilizatzen. Beti iparorratz argi batekin eta estrategia koherente batekin. Euskal herriko langile guztien negoziazio kolektiborako eskubidea defendatzea.

- Negoziaizo eremu guztiak defendatuko ditugu. Eta ez hori bakarrik, hitzarmen horiek sektorean edo enpresan, gutxieneko eduki batzuk bermatu behar dituzte (atzerapausorik ez, KPIaren erreferentzia kontuan izango duten soldata igoerak, lan erreforma mugatzeko klausulak)

- Eta hau da defendatuko duguna patronal guztien aurrean, eremu guztiak gutxieneko edukiekin, eta hau edozein patronalen aurrean defendatuko dugu, CONFEBASKen barruan egon edo ez. Guretzat erabakigarria hitzarmenaren edukia da, hau da eragindako eremu horretako langileen interesak defendatzea.

- Insituzioak interpelatzen jarraitu: geroz eta dimentsio politiko handiagoa hartzen ari den arazo politiko baten aurrean gaude. Arazoa CONFEBASK da, blokeoaren erantzulea CONFEBASK da. Eta desblokeoan erabakigarria izango da instituzioek hartzen duten jarrera, erabakigarria izango da herri honen gehiengoaren eta herri honetako ekonomiaren mesedetan hartuko dituzten erabakiak edota elite ekonomiko txiki bati men egiten jarraituko duten.

• Jaurlaritzari dei zuzena egiten diogu: CONFEBASKeri duen blokeo jarrera apurtzea eska diezaiola, ematen dion babes politiko eta soziala kendu deizaiola. 
Uztailaren 5ean proposamen bat jarri zuten mahai gainean, CONFEBASK izan zen akordiorako aukera zapuztu zuena. Hori izan da azken urte luze hauetan daramenten jarreraren adierazlerik nagusiena. Ondorioz, Jaurlaritza eta CONFEBASKen artean, inoiz izan den tarterik handiena sortu zen. Aurteko ikasturtean harremanak bideratu dituzten eta urak etorri dira bere onera. Bitartean ondorioak begi bistakoak dira: negoziazioak blokeatuak, soldatak behera edota langabezia gora.

• GFA hartu ditu langileen eskubideak defendatzeko erabakiak, Arau Forala edota erresidentzien gatazkan izaniko jarrera esate baterako. Adegiren haserrea eragin dute, epaitegietaraino iritsi delarik. Oso ondo erakusten du honek ze nolako prepotentziarekin jokatzen duten

- CONFEBASKekiko dugun jarrera:babes politiko eta soziala kendu behar zaio, derrigortu egin behar dugu erreformaren bidea alboratu dezan eta negoziazio kolektiboan duen bloeko jarrera apurtu dezan.

- Horretarako, CONFEBASken monopolioa hautsi nahi dugu patronalari bere ordezkaritza akreditatu behar duela eskatu eta horretarako bideak topatu behar dira, hor da Eusko Jaurlaritzari eskatu dioguna. Patronal berriei negoziazio mahaietan sarbidea ematearekin eta hori bultzatuko dugu. Baina LABentzat bidea ez da negoziazio mahai berriak irekitzea (Bizkaidendak) eta jada ikutua dagoen negoziazio kolektibo sektorialari oztopo gehiago jartzea.

- Negoziazio kolektiboaren defentsan, hitzarmenen defentsan, borroka egin nahi duen orori, gure eskua luzatzen diogu CONFEBASKeri elkarrekin aurre egiteko.

MOBILIZAZIOAK

 Goizeko Mobilizazioak
- Eguerdian LABeko delegatuen manifestazioa ARABA, BIZKAIA eta GIPUZKOAN
(Donostia 11:00 Artzai Ona, Bilbo 11:00 Arriaga, Gasteiz 11:30 Ahate Iturria)

Arratsaldeko mobilizazioak Gipuzkoan

Donostia:
Konzentrazio-Parodia.
Patronala eta langileen arteko sokatira bat irudikatuko da, 19:00etan Bulebarrean.

Goierri: Ordiziko plazan 19:00etan konzentrazioa eta informazio banaketa.

Oarso:
Prentsaurrekoa eta ondoren manifestazioa 19:30etan Oreretan Herriko Plazatik.

Kosta:
Azkoitin konzentrazioa udaletxe aurrean 18:30etan.

Debaldea:
Eskoriatzatik eta Itziartik bi kotxe karabana irtengo dira eta Bergaran batu. Konzentrazioa 19:00etan Bergarako udaletxeko plazan.

...irakurrri