Valoración de LAB ante la declaración de EPPK

El comité ejecutivo de LAB ha analizado en su reunión de hoy la declaración del Colectivo de Presos y Presas Políticas Vascas EPPK y las reacciones a la misma. Estos son los elementos más destacados de la nuestra valoración:

- EPPK ha dado un paso determinante para avanzar en el proceso que nos permita superar las consecuencias del conflicto. Es un paso firme y eficaz para resolver la cuestión de los presos y las presas. Una nueva aportación al proceso de resolución.

- LAB considera que la resolución de las consecuencias del conflicto político armado, y en concreto, la vuelta a casa de las y los presos y refugiados políticos vascos, es un paso determinante en la construcción de un escenario democrático y por lo tanto, un reto imprescindible para toda la sociedad vasca. Por todo ello, es el momento de asumir mayores compromisos por parte de los agentes políticos, sociales y sindicales vascos con el objetivo de reagrupar a los presos y presas en Euskal Herria y avanzar en su excarcelación. Euskal Herria debe hacer su propio camino, también en la construcción de la paz. Es responsabilidad de los agentes vascos construir los acuerdos necesarios para ello.

- En este sentido, iniciaremos contactos con los sindicatos vascos para analizar la nueva situación generada con la declaración de EPPK y valorar nuevas iniciativas que puedan ayudar para avanzar en el nuevo camino abierto.

- Asimismo, hacemos un llamamiento a todos los trabajadores y trabajadoras para que den a conocer la declaración de EPPK en los centros de trabajo y continúen, con la movilización, profundizando en la exigencia de repatriación de las y los presos y refugiados políticos vascos.

- Para finalizar, LAB destaca la responsabilidad política que demuestra EPPK y denuncia que en los Gobiernos que deben gestionar esta situación histórica falta el nivel político que ha demostrado el Colectivo. Los Gobiernos de Madrid y de Gasteiz van de la mano también en este caso; sin capacidad, sin voluntad ni valentía para construir las soluciones que necesitamos y demandamos.

- El Gobierno del PNV ha vuelto a respaldar la posición de bloqueo del Ejecutivo del PP, en vez de sumarse a la petición mayoritaria para que Madrid de pasos favorables al proceso de solución. Ni una sola mención a posibles compromisos e iniciativas del Gobierno Vasco para favorecer el camino que se abre a partir de las decisiones de EPPK.

- En Euskal Herria existe una mayoría social y política que exige el cambio de la política penitenciaria; hay una mayoría que demanda soluciones en la cuestión de los y las presas. La posibilidad de operativizar esa mayoría está en manos del ejecutivo del PNV; pero ayer nos respondieron con el mismo discurso que hizo el PP desde Madrid. Cuesta entender la lealtad del PNV al PP cuando desde Madrid solo vemos involución a todos los niveles.

- Una vez más, los Gobiernos han respondido de forma decepcionante. Se repite el inmovilismo que pretende restar valor a los pasos que se dan y que busca nuestra resignación. LAB considera que es el momento de reforzar los compromisos y continuar dando pasos hacia el fin de la dispersión, hasta la vuelta a casa de todas las personas represaliadas.

Donostia, 30 de diciembre de 2013

...irakurrri

Iraultzen aldizkariak Ainhoa Etxaide, LABeko idazkari nagusia elkarrizketatu du.

Iraultzen aldizkariak Ainhoa Etxaide, LABeko idazkari nagusia elkarrizketatu du. Gaur egungo egoeraren larritasuna eta euskal herrtarrok behar dugun alternatiba izan ditugu mintzagai. “Krisi hau ezberdina” dela azaldu digu eta argi utzi nahi izan du “egoera honetatik burujabetza prozesu batek aterako gaituela”. Bide horretan Gutun Sozialaren garrantzia ere azpimarratu du.

Urteak pasa dira krisi hasi zenetik. Ze fasetan gaude?
Kapitalismoak bere burua eraberritzeko, indartzeko eta kapitalismorik bortitzena inposatzeko erreformak zeintzuk diren erabaki eta erreforma horiek inposatzeko fasea da hau. Guretzat ez dago irtenbiderik egiten ari diren bidean beraz erreformei aurre eginez hauen gainetik alternatiba bat gorpuzteko fasean gaude. Oraindik jarraitzen dugu krisi hau interpretatzen beste krisi batzuk bezala, garai txar bat neurri batzuen arabera piskanaka piskana gaindituko dena. Krisi hau ezberdina da, krisi hau eredu politiko, ekonomiko eta soziala aldatuko duen fase bat da. Beste eredu batera goaz eta kapitalismoa, elite ekonomikoa, ari da zuzentzen fase hori.

Oraindik erreformak egiten ari dira, erabaki behar duguna da fase honetan borrokatzeko gai garen edo borroka amaitutzat eman eta hurrengo faserako prestatuko garen. Gure ustez borrokatu behar da, aldaketak derrigorrezkoak dira, aldaketak egingo dira eta egiten ari dira, kontua da nork eta nola erabakitzen dituen aldaketa horiek. Gure ustez protagonismo politiko eta soziala gure esku hartu eta elite ekonomiko horri bere boterea borrokatzeko fasean gaude. Eta hori egiten da estrategia sindikal eraginkor batekin, baina baita ere argi izanez fase honetan gure eginkizun nagusia herri bezala jardutea eta alternatiba propioa eraikitzea dela. Beraz alternatiba hori benetan nagusituko den edo ez dago jokoan.

Erasoek ez dute etenik, erreformak inposatzen ari zaizkigu bata bestearen atzetik, baina aurrera jarraitu beharra dago.
Hala da, aurrera egin behar da. Alternatibak aurrera egin behar du eta horretarako momentu honetan bi puntu hartu behar ditugu kontutan. Bata, gure ekimenez eta guk hartzen ditugun erabakien arabera alternatiba sortzea, eraikitzea eta gorpuztea. Guri inork ezin digu erabakiak hartzeko aukera lapurtu. Guk erabakiak hartzen ditugu beste gauza bat da errespetatuko diren eta erabaki horiek benetan Euskal Herriaren egoera zuzenduko duten. Baina alternatiba eraiki egin behar da eta horretarako erabakiak hartu, eztabaidatu eta adostasunak eraiki behar dira.

Eta bigarrena, alternatiba hori nagusitzeko geroz eta gehiago izan behar gara eta geroz eta leku gehiagotan alternatiba horren alde egin behar dugu. Borroka hori lantokietan, herrian, kalean zein instituzioetan egin behar da. Alternatiba ezin da gelditu hor dagoelako eta gure esku dagoelako. Eta zorionez Euskal Herrian urratsak ematen ari gara norabide horretan.

Urte honetarako erronka faltan ez dago sindikatua. Langabezia eta pobretzeari aurre egitea izango da bat?
Urte hauetako, eta zoritxarrez, datozen urteetako erronka nagusia izango da ikusten ari garelako gure eskubideen suntsitzearen emaitza hori dela: Pobrezia eta pobreziaren iturri nagusia den langabezia hedatzea. Guk behin eta berriro diogu langabezia eta pobrezia ez direla berez krisi batek dakartzanak, politika batzuen ondorioa baizik. Alternatiba badauka, neurriak hartu daitezke baina ez dira hartzen. Langabezia eta pobrezia ez daude bitarteko ekonomikoak falta zaizkigulako hautu politikoak horretara eramaten gaituelako baizik. Eta zoritxarrez hori izango da etorkizunean geratuko zaiguna hazkunde ekonomikoa gaur hartzen ari diren neurriekin ematen bada. Langileen bizi baldintzak jokoan daude eta guk horiek defendatu behar ditugu, horri lehentasuna eman behar diogu. Egoera aldatzeak ekarriko du eredu berria, ezinezkoa baita eredua aldatu gabe pobrezia murriztea. Hori izango da gure erronka gure etorkizuna jokoan baitago.

Borroka honetan tresna garrantzitsua izango da Euskal Herriko Eskubideen Karta. Zergatik?
Bai, ziur gaude. Batetik ikusten dugulako egoera honek duen alternatiba ez dela etorkizuneko egoera baten inguruan aritzea baizik eta gaurko egoeraren gainean prozesu bat irekitzea, prozesu ezberdin bat, eredu berri batera eramango gaituen prozesu bat. Beraz alternatiba ez da etorkizuneko eztabaida bat, alternatiba da gaurko egoeraren aurrean prozesu alternatibo bat burutzea eta karta soziala da prozesu horretan urrats bat, zutabeetariko bat izan daiteke. Karta sozialaren helburua izango da jendartea eztabaidatzen jartzea gure etorkizunari begira erabakiak hartzeko, jendarteari autodeterminazio ariketa bat egiteko aukera ematea.

Gu izango gara Euskal Herriak ze eredu sozial behar duen erabakiko dugunak, jendarteari aliantza sendoak eraikitzeko aukerak emango dizkiogunak. Ikusten ari gara kostata bada ere pixkanaka prozesu hori gorpuzten ari dela. Batzarrek herrietako eztabaidari bide eman diote. Eskualdez eskualde antolatzen ari dira eta ikusten ari gara jendea prest dagoela bide hori jorratzeko. Jendea eztabaida horretara ekartzen ari gara eta hori da klabea, jendea ekarri behar dugu kapitalismoari aurre egingo dio prozesu alternatibo batetara, herri prozesu batetara. Baina adi, karta ez da herri prozesua bere horretan, herri prozesuaren atal bat baizik. Kartak ez du dena konponduko, baina karta ezinbestekoa izango da etorkizunean Euskal Herria ezberdina izateko.

Ze paper jokatzen ari da LAB?
Gure papera sustatzaile izatea da. Gu lanean ari gara sindikalgintzak ulertu dezan horrelako urratsetan, horrelako prozesuetan, horrelako elkarlanetan eta batez ere herriari eskaintza zabala egiteko hautuan dagoela baita ere sindikalgintzaren alternatiba. Sustatzaileak gara, prozesu horren motorra leku askotan. Lantokietara prozesu hori eramateko bitartekoa ere izango gara. Prozesu horri, karta sozial horri proiekzio politiko eta soziala emateko tresna izan nahi dugu. Beraz bat gehiago gara baina erantzukizun bereziak hartzeko prestutasunarekin eta gure estrategia eta sindikalgintzaren ibilbidea karta horren gainean ere egiteko konpromezuarekin. Karta guretzat ez da puntu bat gehiago sindikatuaren agendan, alderantziz leku zentrala du.

Krisitik atera ahal izateko klabe garrantzitsua da burujabetza prozesua. Horretan ere buru belarri ari da LAB?
Guk aurten erreferentzi hori kokatu dugu, burujabetza prozesuan iniziatibak hartzea aipatutako ikuspegitik. Jendeari ezin diogu esan burujabetzak gaurko egoera aldatuko duela edo burujabeak bagara gaurko egoera konpoduko denik, ez baita egia. Burujabeak izan gaitezke, baina Euskal Herri burujabe horren gestioa kapitalaren esku badago egoera antzekoa izango da. Guk diogu egoera honetatik burujabetza prozesu batek bakarrik aterako gaituela ulertuta noski burujabetza prozesu hori dela guk gure ekimenez, gure errealiteari begira eta gure etorkizunaren mesedetan alternatiba edo irtenbide bat aurkitzea.

Burujabetza prozesuak esan nahi du politika propioak egitea, politika egiteko eredu ezberdin bat topatzea, hau da jendeari parte hartzeko aukera emanez eta ez egiten ari diren bezala jendeari bizkarra emanez, herri estragia bat martxan jartzea, Euskal Herriko egoera aztertzea eta egoera horren gainean ze erabaki hartu behar diren proposatzea eta erabaki horiek hartu daitezen ekimenak burutzea. Nire ustez hori da burujabetza prozesua eta hori da egoera honetatik aterako gaituena, gaurko bidearekin ezinezkoa da eta gainera irtenbidea geroz eta urrunago dago. Beraz hor dago alternatiba, baita langileentzat ere. LABek burujabetza prozesu horretan zutabe bat izateko konpromisoa bereganatu du eta prozesu horretan kokatu nahi dugu klase interesak defendatzeko estrategia.

Burujabetzaz hitz egitetik burujabetza ariketa egiteko unea da?
Bai eta uste dut neurri batean eta pixkanaka-pixkanaka horretan ari garela nahiz eta ez izan egoerak eskatzen duen dimentsioarekin. Adibidez 2008an euskal sindikalgintzak erabakitzen duenean konfrontazioa indartzeko eta aliantzak egiteko kalera ateratzeko momentua dela, sindikalgintza Europa osoan beste bide bat hartzen duenean hau da gobernuekin batera gestionatzeko bidea hartzen duenean, hori burujabetza ariketa bat da. Erreformen aurrean planto egin behar dela eta herritarrek horren alde egitea burujabetza ariketa bat da. Urratsak ere eman dira nola ez instituzioetan. Eremu soberanistak aliantza politiko bat egitea eta aliantza horri esker gestio instituzionalerako aukerak biderkatzea eta gestio hori aldaketa politiko eta sozialaren mesedetan jartzea ere burujabetza ariketa egitea da edo beste nolabait esanda burujabetza ariketa egiteari ateak irekitzea da.

Honelako ariketak egin behar dira, baina egoerak eskatzen du gaur ditugunak baino iniziatiba sendoagoak, estrukturalagoak hartzea burujabetza prozesua definitiboki bultzatuko badugu. Agenda propio bat edukitzea da burujabetza ariketarik handiena, baina askotan instituzioek, gobernuek, patronalak, banketxeek jartzen diguten agendaren arabera aritzen gara. Burujabetza ariketa izango litzateke hemengo instituzioak, politikoak, alderdiak, sindikatuak eta eragile sozialak agenda propio batekin aritzea eta agenda adostua bada are hobeto.

Ezin dugu ere aipatu gabe utzi Euskal Herriko konponbide eta bake prozesua. Hau ere LABen agendan dago?
Noski. Sindikatuaren agendan dago eta gure helburu nagusia langile guztien agendan egotea da. Guk argi dugu gure agendan lehentasuna lan eta eskubide sozialak defendatzea dela guk egiten ez badugu bestek ez dutelako egingo. Hori da gure agendan lehentasuna, baina horrek ez du esan nahi hori izan behar duenik agendako puntu bakarra, horrek ez du kentzen momentu batzuetan konponbide bat ekarriko digun agendan burubelarri inplikatzea ezinbestekoa dela erantzunkizunez jokatzen badugu eta langileei alternatiba bat eskeiniko badiegu. Guk ez dugu ikusten alternatibarik aldaketa politikoak egiten ez badira, prozesu demokratiko batek gure erabakitzeko eskubidea errespetatzera eramaten ez bagaitu, gatazka baten ondorioak gainditzea ezinezkoa baita estatuak ez daukalako inolako asmorik Euskal Herria pakean uzteko.

Orain arte egin duen bezala LAB prozesu honetan inplikatuko da. Zein izango da bere rola?
Gu gara konponbide prozesua burura eramateko lehen interesatuak gure borrokan mesede besterik ez baitu ekarriko. Sindikatuko agendako puntu garrantzitsua da, beste gauza bat da zein den sindikatuak jokatzen duen papera eta zein den jokatu beharko lukeen papera, gehiago egin dezaken edo gutxiago. Guk berriro diogu Euskal Herriaren esku dagoela, euskal herritarren esku dagoela estatuaren blokeoaren gainetik hainbeste eskatu eta hainbeste borrokatu dugun gatazkaren konponbide prozesua aurrera ateratzea. Gure esku badago, langileen esku ere badago neurri baten eta langileek konponbide prozesu horren alde egingo dute sindikatuak bide hori eskeintzen badie. Zentzu horretan badaukagu zeregina, baditugu erantzukizunak.

...irakurrri

Olentzerok ikatza ekarri dio Adegiri

Gaur Euskal Herrian aski ezaguna eta maitatua dugun Olentzerok berak ere bat egin nahi izan du Gipuzkoako metalgintzako langileen borrokarekin. Arrazoiak merezi zuela eta, aurten inoiz baino lehenago jaitsi da Olentzero menditik Donostira.

LABeko metalgintzako kideak herrialdeko hitzarmenaren aldeko mobilizazio eta aldarrikapenetan urrats berriak ematen hasi dira, protesta berriak antolatuz eta indartuz.

Gaur Euskal Herrian aski ezaguna eta maitatua dugun Olentzerok berak ere bat egin nahi izan du Gipuzkoako metalgintzako langileen borrokarekin. Arrazoiak merezi zuela eta, aurten inoiz baino lehenago jaitsi da Olentzero menditik Donostira.


Urte osoan zehar, eta bereziki uztailaren 7az geroztik Adegik izandako jarrera dela eta haserre azaldu da Olentzero: “Jaso ditut pila bat gutun Gipuzkoako metalgintzako langileenak eskatuz Herrialdeko hitzarmena. Ongi! Beste alde batetik, jaso ditut gutun gutxi batzuk Adegiko kideenak Gibelalde, Apezetxea, Zamakola... Jendilaje hauenak, eskatuz Madrileko lan erreforma Gipuzkoako metalgintzako hitzarmenean sartzea. Nola onartuko du Olentzerok, euskalduna izaki, Madriletik erreforma hona ekartzea? Oso haserre nago, oso haserre!!”

Eta horregatik, ikatza utzi du Adegiren egoitzan. Kiloka ikatz, Adegiren jarrerak besterik merezi ez duelako.

Olentzerok elkartasuna adierazi die langileei: “Nahiz eta ikazkina izan, eta ez izan metalgintzako langilea, bat egiten dut Gipuzkoako metalgintzako langileokin. Aurten gainera, inoiz baino opari gutxiago dago umeentzako, jendilaje honek Gipuzkoa guztia prekarietatera kondenatu nahi duelako...”

LAB sindikatuak antolatutako protesta baketsu eta umoretsuari amaiera emateko, mezu argia utzi die Olentzerok Adegiko kideei: “Apezetxea, Gibelalde, Zamakola... Hurrengo urtean txintxoak izan! Txintxoak izan, bestela, hurrengoan ere ikatza izango duzue!”
  

...irakurrri

LABek metalgintzako herrialdeko hitzarmenen alde borrokan jarraitzen du

LABeko metalgintzako Gipuzkoako ordezkariek atzo Donostian emandako prentsaurrean aurreratu moduan, sektoreko hitzarmenaren alde mobilizatu da gaur ere sindikatua. Gipuzkoan Eibarren egin du protesta LABek, CONFEBASK eta ADEGIko kide den Eduardo Zubiaurreren enpresaren aurrean (jaz Zubiaurre) eta Bizkaian Durangaldeko enpresa ezberdinen aurrean.

Zubiaurre, beste hainbatekin batera, Raxoik inposatu nahi digun lan erreforma egikaritu nahian dabil. Aierza, Apezetxea, Zamakola eta beste batzuekin batera, Gipuzkoako hitzarmena suntsitu nahian dabil, euren pribilegioak langileen eskubideak suntsituz. Guzi hau salatzeko LABek elkarretaratzea egin du Jaz Zubiaurre enpresaren aurrean.

Durangaldean eta Bizkaiko Hitzarmenaren defentsan elkarretaratze ezberdinak egin dituzte LABeko kideek enpresa ezberdinen aurrean, besteak beste, Tardea, Alko, Rotthenberger, Layde, Bruss edota La Madalena lantegietan.

...irakurrri

LABek enpresa guztietan sektoreko hitzarmena babestu eta betetzen ez duten enpresariak jendaurrean salatuko ditu

Behin Bizkaiko eta Gipuzkoako Metalgintzako hitzarmen kolektiboei buruzko lehen epai irmoak ezagutu ondoren, LAB sindikatuak honi buruz egiten duen gogoeta ezagutarazi eta hitzarmena lortzeko langileen mobilizazioak bultzatzearen aldeko konpromisoan berresten dela adierazi zuen. Bide honetan egoera askatzeko urrats berriak aurrera emango dituela adierazi zuen.

1.- LABek epaia ezagutu baino lehen bazekien zer gerta zitekeen, eta epaia ezagutu ondoren, are hobeto daki epaitegiek ez dutela sektorearen negoziazio kolektiboaren arazoa konponduko. Hori esan genuen gure sindikatuak aurkeztu zuen eskaria aintzat hartu zenean eta Bizkaiko metalgintza hitzarmena indarrean zegoela onartzen zuen epaiaren berri izan genuenean; atzoko sententzia ezagutu ondoren, esandakoan berresten gara.

Atzokoan EAEko Justizia Auzitegi Nagusiak eskuak garbitu zituen. Boto partikularrak arrazoia ematen zigun arren, erabaki zuen ez zuela mami-mamiraino joko. Hala ere, honek ez dio Adegiri arrazoia eman. Sententzia hau ezagutu ondoren deslotzeko asmoa zuten enpresek, aurrerantzean ere ezin izango dute egin.

Sententzia honek sortzen duen egoera, hortaz, segurtasun juridikorik ezarena da. Aurrerantzean sor daitekeen kasuistika oso bestelakoa izan daiteke. Egoera berean, kontrako epaiak eman daitezke Lan Epaitegietan.

Begi-bistakoa da sindikatuak honen aurkako errekurtsoa aurkeztuko duela.

2.- Patronalak, jendartean, langileen eskubide guztiei begirunezko jarrera erakusten badie ere, lantoki barruan, enpresei aholkatzen die gutun bidez ez ditzaten langileen eskubideak kontsolidatu. Honela, hamaikatxo enpresak bidali dizkiete gutunak euren langileei, beti ere, aurrerantzean euren lan baldintzak ez zaizkiela ezarriko adieraziz. Horien benetako helburua sektorearen lan baldintzak desarautzea da, langileak morrontzara eramanez. Eta alor honetan, ADEGI ikasle nabarmena dugu. Duela 3 urte gauzatu nahi zutena eta hitzarmenaren 35 artikulu baino gehiago ezabatuta ere lortu ez zutena, oraingoan lortu nahi dute lan erreformaren laguntzaz.

Lanaren desarauketa agerikoa da, batez ere:

• Kontratazio berriei ez zaie probintziako hitzarmena ezartzen. Bigarren eta hirugarren mailako langileak sortu nahi dituzte.
• Soldatak jaisten dituzten eta lanaldia handitzen dute, hitzarmen beraren gainetik ere.
• Langileen aurka zuzenki jotzen dute, sindikatuek enpresan duten ordezkaritzari ezikusiarena eginez.

Eta oraingoan, sektoreko hitzarmenaren segurtasunik eza ere erabili nahi dute, enpresa mailan, lan baldintzak kaskartu daitezen bultzatuz.

Eta hau guztia, hemen, Euskal Herrian gertatzen ari da, gure erakundeen isiltasun konplizearen aurrean.

3.- Sektoreko negoziazio kolektiboaren arazoa ez da lan edo epaitegiko arazo hutsa, batez ere, arazo politikoa eta soziala dugu. Negoziazio kolektiboa herri batean lan harremanak arautu eta sortzen den aberastasuna zuzentasunez banatzeko baliabide eraginkorra da. Ez da, CONFEBASKek ulertzen duen moduan, bere neurrira egindako tresna bat.

Egungo egoera larrian, guztion eskubideak eta lan baldintzak homogeneizatzea bermatuko duen sektoreko negoziazio kolektiboaren beharra nagusitzen da. Eta hori, herrialdeko sektore hitzarmenen bitartez bakarrik lor daiteke. Patronalak lan erreforma muturrera eramateko hautua da, hain zuzen, gure industriaren lehiakortasunak aurkitzen duen oztopoa.

Euskal Herriak, garbiki industriala den herriak, ezin du iraun bere interesak babestuko dituen legeriarik gabe. Eskubiderik gabe ez dago kalitateko industriarik, ez eta etorkizunik ere. Hitzarmen kolektiborik gabe txirotasuna eta desberdintasunak gero eta handiagoak izango dira. Gure etorkizuna arriskuan dago.

Hori dela eta, euskal erakundeak ez daitezke honetan nahasi gabe egon. Argiki eta irmoki azaldu behar dute horren garrantzitsua den arazo honi buruz duten iritzia. Patronalak gutxiengo baten interes elitistak lehenesten ditu herri honen gehiengo politiko, sozial, eta sindikalen gainetik ere. Benetan lotsagarria!

4.- Atzoko epaiak berresten gaitu, hitzarmena lortzeko langileen mobilizazioak bultzatzearen aldeko konpromisoan. Argi izan bezate Adegik, SEA-k eta FVEM-k, jarraituko dugula borrokan!

Garaia da, elkar hartuz, gure industria babestuko duen berezko ereduan oinarritutako alternatibaren alde egin dezagun. Geureganatu ditzagun konpromisoak!

LABen konpromisoa aldi berri honi begira:

• Enpresa guztietan sektoreko hitzarmena babestuko dugu. Honen azpitik ez da ezer negoziatuko. Ez da ezer negoziatuko harekin loturarik ez badu.
• Hitzarmena beteko ez duten enpresari guztiak salatuko ditugu jendaurrean.
• Sektoreko hitzarmenaren aldeko mobilizazio berriak egingo ditugu sektorean eta enpresetan.
• Egoera askatzeko urrats berriak egingo ditugu.

...irakurrri