Emakumeak Martxoak 8

Martxoak 8: 35 orduko lan astea, 1200 euroko gutxieneko soldata eta aukera berdintasuna

2016/03/08 Emakumeak - Martxoak 8

LAB sindikatua Nafarroako Gobernuaren egoitzaren parean mobilizatu da gaur, emakumeek lanean nahiz erretiroan pairatzen duten diskriminazioa salatzeko.

Idatzi iruzkin berri bat

Aukera berdintasunean diskurtsoetatik haratago joan behar gara

2016/03/08 Emakumeak - Martxoak 8

Emakumeontzat aukera berdintasuna
Prekarietatearen kontra, 35 ordu eta 1.200 euro

Emakume Langileen Nazioarteko Eguna den honetan, emakumeok lan munduan jasaten dugun prekarietateari aurre egiteko eta aukera berdintasunean pauso berriak emateko 35 ordutako lan-astea eta 1.200 eurotako soldata ezartzearen beharra aldarrikatu dugu. Bilbon DIA supermerkatuetan, beste hainbatetan ematen den bezala, emakumeok bizi dugun prekarietatea irudikatu dugu, Iruñean Nafar Gobernuaren aurrean elkarretaratu gara prekarietatea gehien pairatzen dugunak emakumeak garela salatuz eta Donostian emakumeok prekarietatetik ateratzeko borrokatzeak duen garrantzia aldarrikatu dugu erdiguneko komertzioetan propaganda banatuz.

MARTXOAK 8
ARRATSALDEKO MOBILIAZIOAK

IRUÑEA: 20:00etan Gaztelu Plazan
DONOSTIA: 19:00etan Bulebarretik
GASTEIZ: 20:00etan San Anton Plazatik
BAIONA: 18:15etan Apezpiku etxearen aurrean
BILBO: 19:30etan Arriagatik

Idatzi iruzkin berri bat

MARTXOAK 8: #feministokPrest iraultzarako!

2016/03/07 Emakumeak - Martxoak 8

Bihar ere, Martxoak 8, LAB kalean izango da emakumeontzat aukera bedintasuna aldarrikatzen. Goizean "Emakumeontzat aukera berdintasuna. Prekarietatearen kontra, 35 ordu eta 1.200 euro” lemapean mobilizatuko gara eta arratsaldez, Euskal Herriko Koordinadora Feministaren deialdiekin bat eginez, Euskal Herriko hiriburuetako ekimenetan parte hartuko dugu. 

MARTXOAK 8: Emakumeontzat aukera berdintasuna prekarietatearen kontra [PDF]
8 de MARZO: Igualdad de oportunidades para las mujeres contra la precariedad [PDF]

Idatzi iruzkin berri bat

MARTXOAK 8: Emakumeontzat aukera berdintasuna prekarietatearen kontra

2016/03/04 Emakumeak - Martxoak 8

Martxoaren 8an, zortzi baino hamaika arrazoi ditugu emakumeok berriz ere kalera atera eta gure ahotsa ozen azalarazteko. Izatez, oraindik ere ugariak dira emakumeok gure bizitzaren esparru ezberdinetan pairatu beharreko diskriminazioak, eta hainbatetan aldarrikatutako aukera berdintasunetik urrun jarraitzen dugu.

MARTXOAK 8: Emakumeontzat aukera berdintasuna prekarietatearen kontra [PDF]
8 de MARZO: Igualdad de oportunidades para las mujeres contra la precariedad [PDF]

 Berdintasunaren bidean: 35 ordu eta 1.200 euro (IRITZIA.- Izaskun Garzia, LABeko kidea)
 Emakumeok iraultzarako prest gaude (Euskal Herriko Koordinadora Feminista)

Idatzi iruzkin berri bat

Emakumeok iraultzarako prest gaude

2016/03/04 Emakumeak - Martxoak 8

Euskal Herriko Koordinadora Feministak agerraldia eman du gaur Bilbon. Bertan salatu du urteak daramatzagula krisian, eta eskubideen galera eta ezberdintasunen areagotzea askoz ere makurragoak izaten direla emakumeon kasuan. Horregatik, beharrezkoa da logika kapitalista eraldatzea, pertsonak eta natura nola esportatu eta esplotatu pentsatzeari utzi eta bizitzaren iraunkortasuna nola bermatuko dugun pentsatzen hastea. Feministok horretarako prest gaude. gure bizitzen eta erabakien protagonista izaten jarraituko dugu. Gizartea eraldatzen segituko dugu.

Idatzi iruzkin berri bat

Berdintasunaren bidean: 35 ordu eta 1.200 euro

2016/03/04 Emakumeak - Martxoak 8

 Izaskun Garcia Bordagarai - LAB sindikatuko, zeharlerroko idazkaria

Idatzi iruzkin berri bat

Gizon eta emakumeen arteko soldata arrakalarekin amaitzea borondate politiko kontua da

2016/02/22 Emakumeak - Berdintasuna

Otsailak 22, Emakumeen eta Gizonen Soldata Berdintasunaren aldeko eguna

Gehienentzat ezaguna ez bada ere, otsailaren 22an emakume eta gizonen soldata berdintasunaren aldeko eguna da. Egun honen leloak aipatutako berdintasuna, oraindik ere, lortzetik oso urrun gabiltzala erakusten dute datuak tamalez.

Idatzi iruzkin berri bat

Salaketa ekintza bat egiteagatik bi gazte feministen kontrako epaia gelditu behar dugu

2016/02/02 Emakumeak - Indarkeria sexista

Iazko abuztuaren 8an egindako salaketa ekintza batengatik otsailaren 4an bi gazte feministen kontrako epaiketa izango da. LABek auziperatuei elkartasuna adieraztearekin batera, prozedura judizialaren gelditzea exijitzen du, izan ere judizializazioak eta kriminalizazioak arazoaren muinari ihes egin eta ordezkatzen baitute.

Ez lanean, ez kalean. Eraso sexistarik ez!

2016/02/02 Emakumeak - Indarkeria sexista

Oreretako Galtzarabordako kiroldegiko emakumeen aldageletan kamera topatu izana salatzeko manifestazioa egin zen atzo "Nazkatuta gaude! Erasotzaileak eta babosoak kanpora!" lelopean. Eraso sexisten berri izateaz nazkatuta gaude. Pauso bat aurrera eman beharra dago sistema patriarkalaren aurpegi nazkagarriena bizitzako eremu guztietatik ateratzeko.

Elkarretaratzea egingo da Bilbon aktibista feminista kurdoen erailketa salatzeko

2016/01/18 Emakumeak - Euskal Herriko Emakumeon Mundu Martxa

Pakize, Fatma eta Seve, aktibista feminista kurdoen erailketa salatu eta elkartasuna adierazteko Emakumeen Mundu Martxan elkarretaratzea egingo du datorren ostegunean, hilak 21 Turkiako Enbaxada aurrean (Gran Via 65). LABek mobilizazio honekin bat egiten du eta herritarrei bertaratzeko deia luzatzen die.

Idatzi iruzkin berri bat

Elecnorrek emakume langileak baztertzen ditu

2015/12/18 Emakumeak - Berdintasuna

Elecnor Infraestructuras enpresaren zuzendaritzak Gasteizko lantegiko sindikatuetako ordezkaritzari jakinarazi dio bost emakume-langile lekualdatu egin dituela Getafeko lantegira (Madril), antolaketari loturiko arrazoiak argudiatuta. Gasteizeko lantokian egiten duten lan bera egiteko bost langileak beste lantoki batera bidaltzeko aginduaren zergatia ez datza haren baliabideak egokiro birbanatzean, begi-bistakoa baita honen bidez talde hau bota nahi dituela, kostuak merkatzeko eta bulego lana Madrilen egin dadin, bertako langileekin.

Idatzi iruzkin berri bat

LABek bat egiten du Durangoko mugimendu feministaren deialdiarekin

2015/12/17 Emakumeak - Indarkeria sexista

LAB sindikatuak Durangoko mugimendu feministak abenduaren 18an, 9:15etan, Durangoko epaitegi aurrean egingo duen mobilizazioa babestu eta bertan parte hartzeko deia egiten du langile mugimenduak ezin baitu inolako eraso matxistarik onartu; ezta erasotzaileak bere burua biktima bihartu nahi izatea ere.

Prekarietatetik irtetea gure eskubidea da eta hortara goaz

2015/11/25 Emakumeak - Azaroak 25

Indarkeria sexista, indarkeria fisiko edo psikologikotik haratago doa, indarkeri sexistak milaka aurpegi ditu. Horregatik, gaur, azaroaren 25an, Emakumeenganako Indarkeriaren kontrako Nazioarteko eguna dela-eta, emakumeek lan munduan pairatzen duten prekarietatea azalaratzeko asmoz Gasteizko Boulevard merkataritza-gunean mobilizatu gara. Bertan sektore honetako langileek bizi duten prekarietate egoera salatuz.

Idatzi iruzkin berri bat

AZAROAK 25. PREKARIETATEA INDARKERIA DA!!

2015/11/24 Emakumeak - Azaroak 25

Prekarietatea, azken urteetan jendarte osoan hedatu eta langile sektore ezberdinetara zabaldu den errealitatea bada ere, emakumeontzat ez da gauza berria. Emakumeok aspalditik pairatzen dugun fenomenoa da prekarietatea. Aspalditik pairatzen egon izanik ere, askotan prekarietate honek suposatzen diguna erlatibizatzera eta egoera hauek arruntzat jotzera eraman gaitu.

Idatzi iruzkin berri bat

Prekarietatea indarkeria da, eta bertatik irtetea, zure eskubidea

2015/11/23 Emakumeak - Azaroak 25

IRITZIA.- Izaskun Garcia Bordagarai, LABeko Zeharlerroetako idazkaria

Idatzi iruzkin berri bat

Ainhoa Etxaide: “Indarkeriaren alternatiba bestelako jendarte bat eraikitzea da”

2015/11/23 Emakumeak - Azaroak 25

Azaroaren 25ean, Emakumeenganako Indarkeriaren Kontrako eguna dela eta, LAB sindikatuak harreman erronda bat burutuko du Hego Euskal Herriko mugimendu feministako eragile ezberdinekin. Harreman horien baitan, gaur, azaroak 23, Donostiako Emakumearen Etxean LABeko ordezkariak Bilgune Feminista eta Malenetxea Emakume Migranteen Elkarteko kideekin batu dira.

AZAROAK 25
 Prekarietatea indarkeria da, eta bertatik irtetea, zure eskubidea(Izaskun Garcia Bordagarai)

MOBILIZAZIOAKLAB Gasteizen mobilizatuko da goizean.Donostia: 19:00etan Bulebarrean
Gasteiz: 19:30etan Andra Mari ZuriaIruña: 20:00etan Gaztelu PlazanBilbo: 19:30etan Arriagan

Idatzi iruzkin berri bat

Emakume Mundu Martxaren karabana aurrera doa Euskal Herrian zehar

2015/10/01 Emakumeak - Euskal Herriko Emakumeon Mundu Martxa

Martxoaren 6an Kurdistanen hasi eta urriaren 17an Lisboan amaituko den Emakume Mundu Martxaren ekimena ( IV. Nazioarteko Ekintza) Euskal Herria gurutzatzen ari da egunotan. Irailaren 28an Tafallara iritsi zen karabana eta urriaren 4a bitarte herri ezberdinak zeharkatuko ditu Bilbon izango den azken ekimen nazionalean amaitzeko. Atzo Baiona, Hondarribia eta Donostia igaro ondoren, gaur Orereta, Hernani, Tolosa eta Zumaia herriak astinduko ditu berdintasun haizeekin.

Idatzi iruzkin berri bat

Emakume Mundu Martxaren IV. Nazioarteko Ekintza Euskal Herrian

2015/09/25 Emakumeak - Euskal Herriko Emakumeon Mundu Martxa

Hemen da Emakume Mundu Martxak bost urtetik behin Nazioarteko Ekintza bat burutzen du. Aurtengoan IV.na egingo da eta irailaren 28tik urriaren 4ra Euskal Herrian izango da. Martxoaren 6an Kurdistanen hasi zen ekimena eta urriaren 17an emango zaio amaiera Lisboan.

Idatzi iruzkin berri bat

Mutualiari eta Hezkuntza Sailari ezarri zigor-epaiak LABek salatu zuena baieztatzen du: haurdun dauden emakumeak baztertzen dituzte

2015/09/17 Emakumeak - Berdintasuna

Epai batek frogatutzat ematen da Mutualiak eta Hezkuntza Sailak pertsona horiek behartzen dituztela sistema publikora jotzera medikuaren baja hartzeko eta prestazioa jaso ahal izateko. Gure aburuz, gizarte segurantzari egiten zaion iruzur ekonomiko batez ari gara. Izatez, azken horri dirua itzultzera zigortu baitute.

Idatzi iruzkin berri bat

Ehundaka pertsona atera ziren kalera ostiralean indarkeria sexistari aurre egiteko eskatzeko

2015/08/24 Emakumeak - Indarkeria sexista

Emakumeen Mundu Martxaren deialdiari jarraituz, ehundaka izan ziren ostiralean biolentzia sexistaren kontra kalera atera zirenak. Hegoaldeko lau hiruburuetan egin ziren mobilizazioak, Bilbo, Donostia, Gasteiz eta Iruñean.

Emakumeen Mundu Martxaren irakurketaren arabera “lau dira jada Euskal Herrian indarkeria matxistak erahildako emakumeak, eta ikusi ahal izan dugun bezala, eraso sexistak eta indarkeria matxistagatik atzemandako gizonen kopurua izugarria izaten ari da uda honetan”.

...irakurrri

INFORMATZEN

...irakurrri

Zerbitzu Sozialen Defentsan

OTSAILAK 19: Sinadura-bilketa eguna zerbitzu sozialetan langile gehiago izatea aldarrikatuz

...irakurrri

ABIAN prozesuaren eztabaidarako txostena prest da

 Eztabaidarako ABIAN Txostena [PDF]
  Documento de debate Abian [PDF]

 

Abian deituriko eztabaida ariketa egiten ari gara Ezker Abertzalean eta gaur ariketa hori zuzenduko duen txostena aurkeztu dugu. Txosten honen helburu nagusia Zutik Euskal Herria-k ekarri zuen estrategia aldaketak eragindako ziklo politikoan aurrera nola egin behar dugun zehaztea da. Estrategia gaurkotzeko ariketa bat da, baina aldi berean Ezker Abertzalearen nortasuna eta batasuna berrindartzeko balio beharko luke.
AGERRALDIAREN EDUKIAKEstrategia aldaketan seigarren martxa sartzera goaz


Dakizuen bezala, Ezker Abertzaleak azaroan jarri zuen martxan ABIAN prozesua.

ABIAN prozesuaren helburu nagusia zera da: Zutik Euskal Herria ebazpenak ekarri zuen estrategia aldaketan seigarren martxa sartzea. Alegia, duela bost urte adostutako estrategia gaurkotuz, Zutik Euskal Herriaren potentzial osoa askatzea helburu duen prozesua da osatzen ari garena.

ABIAN prozesuak orain arte egin duen ibilbidearen urratsak laburbilduz, esan bezala, azaroaren hasieran aurkeztu zuten Ezker Abertzaleko 300 kidek prozesuari ekiteko proposamena. Eta azarotik bertatik abenduaren bukaera arte zabaldu genuen “entzute fasea” deitu geniona, non Ezker Abertzaleko 9.000 kideren iritzi, ekarpen eta iradokizunak bildu genituen. Ekarpen horiek guztiak oinarri hartuta, gaur aurkeztuko dizuegun Eztabaidarako Txostenaren osaketa lanetan ibili gara urtarrilean zehar eta, dagoeneko, txostena Ezker Abertzaleko kidegoaren esku dago.

Oraintxe hasten da, beraz, ABIAN prozesuaren fase erabakigarria, “eztabaida fasea” deitu dioguna. Fase honen helburu nagusia? ahalik eta kide gehienen parte-hartzean oinarrituta, proposatutako edukiak eztabaidatu, kidegoaren binkulazioa bilatu eta erabakiak kolektiboki hartzea.

Baina goazen gaurko agerraldi honen mamira, alegia, txostenaren edukien aurkezpenera.

Txostenak bost atal nagusi ditu:

Lehenengo atalean, Zutik Euskal Herria ebazpenak ekarri zuen estrategia-aldaketatik gaur egun arteko ibilbidearen balantzea egiten da.

Bigarren atalean, abagunearen azterketa motza jasotzen da.
Hirugarren atalean, Ezker Abertzalearen proiektu politikoaren eguneraketa egiten da.

Laugarren atalean, proiektu politikoaren garapena ekarriko duen estrategiaren gaurkotzea azaltzen da.

Eta, bosgarren atalean, estrategia inplementatzeko egituraketa eta antolaketa berritzeko irizpideak jasotzen dira.

Txostenaren osagarri gisa, lau eranskin ere osatu ditugu. Bata “Egun bizi dugun Euskal Herriaz” mintzatzen da; besteak “Ezker Abertzalearen erradiografia” egiten du; hirugarrenak, ABIAN prozesuaren entzute fasean jasotako ekarpen guztien laburpena jasotzen du; eta, laugarrenak, ABIAN txostenean erabili ditugun zenbait kontzeptu berrien “glosarioa” biltzen da. Eranskin horiek ez dira eztabaidarako txostenean jasotzen, noski, mardulegia litzateke, baina kidego osoaren esku daude ezkerabertzalea.info webgunean.

Horiek dira, bada, txostenean eta eranskinetan jaso diren eztabaidarako edukiak.

Baina txostenean, noski, jasotzen da norabide edo tesi nagusi bat,: strategia independentista bersortzearen beharra. Nola eta zertarako? mugimendu independentista herritar zabal, anitz, sendo eta eraginkor bat sortzea da erronka, hegemonia independentista eraikitzeko gai izango den mugimendua, alderdien interesen gainetik kokatuko dena.

Tesi nagusi honek estrategia bat du atzetik, Prozesu Independentista Eraldatzailea deitu duguna: Euskal Sozialismorako trantsizio prozesua, gizarte eraldaketan sakontzeko aukera eta bidea eskaintzen duena.

Eta Prozesu Independentista Eraldatzaileak ubide nagusi bat du: Euskal Bidea; euskal gizartearen sektore zabalei zuzendutako eskaintza soberanista; hots, Euskal Estatuaren eraikuntza prozesua.

Esan den moduan, tesi nagusia da eztabaidarako txosten osoaren norabidea markatzen duena eta, hain zuzen, eztabaidan jarri eta bozketara eramango den lehenengo elementua, otsailaren 27tik martxoaren 5a bitartean egingo diren herri eta auzo batzarretan.

Izan ere, herri eta auzo batzarrak izango dira erabakigune bakarrak; irizpidea, pertsona bat bozka bat izango dela. Preso eta iheslariek bozka delegatuaren bidez hartuko dute parte erabakietan.

Txostena hiru batzarretako zikloan eztabaidatuko da:
Lehenengo herri eta auzo batzarrak, esan bezala, otsailaren 27a eta martxoaren 5a bitartean egingo dira. Bertan, honako gaiak izango dira eztabaidagai:

Zutik EHtik egun arteko balantzea eta testuingurua.
Definizio estrategikoaren egokitasuna, txostenaren baliagarritasun politikoa eta, esan moduan, tesi nagusiarekiko atxikimendua (bozken bidez)

Bigarren batzarrak martxoaren 12a eta 19a bitartean egingo dira. Bertan eztabaidatuko den gai nagusia, Etorkizuneko estrategiaren garapena. Batzar hauetan, ekarpenak eta tesi alternatiboak jasoko dira, 5 atalen gainean:

Proiektu politikoa;
- Eskaintza independentista;
- Taktikaren garapena;
- Gatazkaren konponbidea; eta
- Antolaketa

Azkenik, hirugarren batzarrak apirilaren 16an egingo dira. Batzar erabakitzaileak izango dira horiek, bertan eztabaidatu eta bozkatuko dira eztabaida prozesuan zehar jasotako emendakinak.

Hirugarren batzar horietatik ateratzen diren emaitzekin behin-betiko txostena osatu eta publiko egingo da.

Eta, bukatzeko, Ezker Abertzaleko kidegoari deialdia, eztabaidan eta erabakietan parte-hartzera animatuz, guztion artean irabazlea den gure estrategiari ahalik eta etekin gehien atera diezaiogun.

Eta, noski, bergogoratzea, euskal preso politikoek eztabaida eta erabakitze prozesu honetan parte hartzeko diutzten oztopoak salatzeko, otsailaren 20an espetxe guztietara egingo ditugun martxen deia ere zabalik dagoela.

Ezker Abertzalea2016ko otsailaren 10ean

...irakurrri