Desherria: hausturak eta etenak Euskal Herrian

Gure herriaren banaketa administratibo eta politikoak sortzen dituen egoera sozio-ekonomiko ezberdinak ikustarazten dira DesHerria azteketan.

Euskal Herriaren garapena ezin izan dugu euskal herritarrok erabaki. Kanpo interes eta interes partikularrek gure lurraldearen lehentasunak markatu dituzte. Honek, herri izatetik ez izatera eraman gaitu, herri gisa pentsatu eta jokatzera galarazi digularik.

Bi estatuen artean banatuta, eta sistema administratibo ezberdinetan zatituta, egoerak aldatu egiten dira gure herriaren eskualdeen arabera.

Bizi garen Des-herri hau gure etorkizunari aurre egiteko zein egoeratan dagoen bildu nahi izan dugu Ipar Hegoa Fundazioaren eskariz Gaindegiak osatu duen azterketa berezi honetan. Pobrezia, pentsioak, garapen soziala edota enplegu aukerak aztertzen dira besteen artean. Prekarizioak lan mundutik bizitzara salto egin eta geroz eta transbertsalagoa den honetan, Euskal Herriko eremu jakinen artean zein ezberdintasun sortzen dituen azaltzen digu lanak. Aurrera egin nahi badugu, gure lurraldeak eta bertan bizi garenok dugun errealitatea kontutan hartu beharko dugu, ezinbestean.

Azterketa aurkezteko solasaldia antolatu dugu. Imanol Esnaola Gaindegiako kidea izango dugu aurkezpenean, eta Garbiñe Aranburuk egoera honen aurrean gure herriaren garapen sozio-ekonomikoa bermatu ahal izateko LAB sindikatuak hartu beharreko konpromiso eta erabakiak azalduko dizkigu.

Eguna: Otsailak 16
Ordua: 10:00-13:00
Lekua: Martin Ugalde Kultur Parkea (Andoain)

Joatekoa bazara, fundazioa@iparhegoa.eus helbidean konfirmatzea eskertuko genizuke

 Eskuratu PDF formatuan Des-Herria azterketa

...irakurrri

Ainhoa Etxaide: "Pertsonak jarri behar dira politikaren erdian, ez merkatua"

Sindikatu eta eragile sozialetako hainbat ordezkarik giza-kate bat egin dute gaur Bilbon, Euskal Herriko Eskubide Sozialen Kartak deituta. Hain zuzen ere, Lanbidek Bilbon duen egoitzatik Eusko Jaurlaritzaren ordezkaritzarainoko bidea egin dute, EAJk eta PSE-EEk osatutako gobernuak gizarte politika alda dezala eskatzeko. Murrizketak salatu eta Diru-sarrerak Bermatzeko Errenta (RGI) Gutxieneko Soldata (SMI) bezain beste igotzea aldarrikatu dute. "RGIa, Euskal Herrian egindako bokorrokarekin lortu dugun eskubidea, errespetatzea eta hobetzea eskatzen dugu", adierazi du LABeko idazkari nagusiak.
LABeko idazkari nagusi Ainhoa Etxaidek Eusko Jaurlaritzaren jarrera kritikatu du: "Hauteskunde kanpaina amaitzen denean, diskurtsoak alde batera uzten direnean, politikak egin behar direnean, gobernu batek nor babestu eta nor zainduko duen erakusten du lehenik. Eta Eusko Jaurlaritzak, EAJk eta PSE-EEk, berriro erakutsi dute merkatua izango dela babestuko duten bakarra, pertsonak beharrean". Ildo honetan, LABen aldarria zein den berretsi du: "Pertsonak jarri behar dira politikaren erdian, ez merkatua".

Prekarietatea ez dela lan baldintza kaskarretara bakarrik mugatzen ohartarazi du. "Langileak biluzik uzten dituen sistema bat da prekarietatea, eskubiderik gabe, prestaziorik gabe, merkatuaren eta enpresarien esku. Horrek pobrezia, prekarietatea eta desberdintasun sozialak sortzen ditu", azaldu du Etxaidek.

...irakurrri

BILTZAR NAGUSIA

2017/01/30 :: 18:44

Azken Eguneraketa:2017/01/30 :: 9:54

HIZKUNTZA

• ES

• Barne Gunea
  Erabiltzaile-izena
  

  Pasahitza
  

  Gogoratu

  • Pasahitza ahaztu egin al zaizu?
  • Erabiltzaile-izena ahaztu egin al zaizu?
  • Kontua sortu

HEMEN ZAUDE:

9. Biltzar Nagusia
LAB 4.0 Gure garaia

---

 

LAB SINDIKATUA | 9. BILTZAR NAGUSIA Burujabetza prozesua azkartzeko apustua eramango du zuzendaritzak maiatzeko Biltzar Nagusira 2017/01/19 LABeko ordezkariek agerraldia egin dute gaur Bilbon, maiatzean egingo dugun 9. Biltzar Nagusiaren harira. Hain zuzen ere, eztabaida prozesuaren inguruko xehetasunak eman ditugu, eta Ponentzia-taldeen koordinatzaileek zuzendaritzak proposatutako ponentzia politiko sindikala eta antolakuntza ponentzia aurkeztu dituzte.  PONENTZIA POLITIKO SINDIKALA  ANTOLAKUNTZA PONENTZIA  APLIKAZIO TELEMATIKOA 9. BILTZAR NAGUSIAREN PROZESUAN LABeko AFILIATU GUZTIEK PARTE HARTZEKO TRESNA

LAB SINDIKATUA | 9. BILTZAR NAGUSIA "LAB 4.0 Gure Garaia", aro berriko sindikalismoaren ikur 2016/11/16 "LAB 4.0 Gure Garaia". Hauxe da sindikatuak aukeratutako goiburua, 2017ko maiatzaren 25 eta 26an Gasteizen egingo duen 9. Biltzar Nagusiari begira. Hitzordu garrantzitsu hori astelehenean aurkeztu genuen Bilbon, leloa eta irudiarekin batera. Hain zuzen ere, goiburuarekin LABen 40 urteko ibilbidea gogora ekarri nahi izan dugu. Lau hamarkada izan dira, lau fase: sorrera, kontsolidazioa, belaunaldi aldaketa eta, laugarren honetan, eredu sindikalaren berritzea.

 

   PONENTZIA POLITIKO SINDIKALA
   ANTOLAKUNTZA PONENTZIA ERABAKI NAGUSIAK

---

 APLIKAZIO TELEMATIKOA
9. BILTZAR NAGUSIAREN PROZESUAN LABeko AFILIATU GUZTIEK PARTE HARTZEKO TRESNA

---

AINHOA ETXAIDE
 INFO7ko Kale Gorrian (2016/11/18)
 BERRIAn (2016/11/20)
 EITBko Egun On Euskadin (2016/11/21)
 EUSKADI IRRATIko Mezularian (2016/11/15)
 GARA (2016/11/26) DEIA (2016/11/28)

Etxaide: “LAB berritu batekin iritsiko gara Biltzar Nagusira, etxeko lanak eginda” “LABen lerro sindikala berritu dugu krisiaren eta erreformen kontra borrokatzeko, gure egiteko moduak eta langileekin lan egiteko erak egokitu ditugu, gure aldarrikapenak berritu ditugu lan eta gizarte egoera guztiz aldatu delako... LAB berritu batekin iritsiko gara biltzarrera, etxeko lanak eginda”.

Ainhoa Etxaide eta Jabi Garnika erreleboa emateko prest LAB sindikatua 9. Biltzar Nagusiaren prestaketa lanetan bete-betean sartu da. 2017ko maiatzaren 25 eta 26an izango da Kongresua, Gasteizen. Hitzordu garrantzitsu honen berri emateko agerraldia egingo dugu datorren asteartean, azaroak 15, Bilboko egoitzan. Osasun betean eta indartsu iristen da sindikatua hitzordu garrantzitsu honetara. Besteak beste, azken urteotan sindikatuak bere idazkaritza nagusian izandako gure bi lemazain bikain hauei esker.

 

...irakurrri

Erronka ekosozialisten aurrean alternatibak

Irailaren amaieran Bilbon III. Nazioarteko Topaketa Ekosozialistak burutu ziren. Topaketa hauen antolakuntzan egon da LAB, beste hainbat eragile sindikal, politiko eta sozialekin batera. Talaia honetan, Topaketa horietan izan diren gogoetetako batzuk hurbildu nahi dizkizugu, interesgarriak eta baliagarriak direlakoan. Esan gabe doa, ezin izan ditugula hemen nahiko genituzkeen guztiak jaso eta zabaldu.

Talaiaren 2. ale honetan Yayo Herreroren gogoeta jaso dugu (papereko bertsiorako laburpen moduko bat egin dugu, baina bere interbentzio osoa irakurtzeko aukera duzu hemen webgunean). Bizitzaren jasangarritasuna ardatz duen gogoeta proposatu digu Herrerok, bereziki trantsizio energetikoa aztertuz, baina Kapital – bizitza gatazkaren ikuspegi osoa kontuan hartuz.

Eric Toussaintek Bilbon egindako hitzaldia ere jaso dugu. Bizi dugun egoera politikoari begiratu dio, Grezian eman diren gertakarien haritik, ateratzen dituen ondorio eta ikasgaiak ekarri dizkigularik.

Hirugarrenik, Juan Hernandezek munduaren antolaketa neoliberalaren arkitektura azaldu digu eta Mario Zubiagak Euskal Herrian kokatu du eraldaketarako aukera posibleen argazkia, erabakitzeko eskubide eta ariketaren baitan.

Talaia borobiltzeko, Bea Martxueta LAB sindikatuko Politika Sozialetako idazkariarekin izan dugun solasaldia jaso dugu, sindikatuak Topaketa hauen edukiaren testuinguruan egiten duen gogoeta biltzen dugularik.

Gogoetarako talaia

LABeko Batzorde Sozioekonomikoak eta Ipar Hegoa Fundazioak gogoeta eta prestakuntzarako Talaia berezi bat aurkeztu nahi dizuegu.

Bestelako Euskal Herria nahi dugunontzat, edozein delarik gure lan edo borroka esparrua, lagungarria izan nahi duen talaia. Baina, jakina, bereziki ekintza eta borroka sindikal eta soziopolitikoan engaiaturik diren emakume eta gizonei zuzentzen gatzaizkio.

Talaia, bizitza bestelako koordenada batzuen arabera ulertzeko apustua, lanabesa da. Begirada kritikoz gure inguruan dagoenari erreparatzeko eta gure praktikak eraldatzen laguntzeko lanabesa hain zuzen ere. Hau da, langile mugimendua eta sindikalismoa ikuspegi berrituz garatzen laguntzeko trena formatiboa izan nahi du talaia honek.

Gai sozial eta gai ekonomikoetan sakontzeko euskarri ezberdinak baliatuko ditugu. Argitalpen monografikoak, ikastaroak eta mintegiak, hitzaldiak, artikuloak, elkarrizketak... Begirada jaso, eta aurrera eta luze begiratzeko talaia izan dadila hau.

Talaiaren 2. alea eskuratu PDF formatuan

Talaiaren 1. alea eskuratu PDF formatuan

...irakurrri

Aurrekontu sozial, parte hartzaile eta burujabeen aldeko ekitaldia Labriten

Euskal Herriko eskubide sozialen Kartak eta Parlamentu Sozialak deituta datorren abenduaren 16an aurrekontu sozial, parte hartzaile eta burujabeen aldeko ekitaldia eta manifestazioa izango da Iruñean. "+Cambio +Social" lemapean burutuko da ekimena Iruñeako Labriten eta LAB, ELA, STEILAS, CGT, ESK, Attac, Bilgune Feminista, Nafarroako Osasun Plataforma eta Martes al Soleko kideek osaturiko ordezkaritza batek aurkeztu du medioen aurrean.

Aste honetan aurrekontuak eztabaidatzen ari dira Nafarroako Parlamentuan eta aipatutako eragileek eztabaida horretan parte hartu nahi dute era honetan. Izan ere, "aurrekontuak dira politika publikoak gauzatzeko tresnarik nagusiena. Hortaz, aurrekontuen eztabaida aldaketa sozialaren alde gaudenoi ere badagokigu".

Karta eta Parlamentua kritikoak dira, bai formari dagokionez (inongo parte hartze sozialik ez) nola edukiei dagokionez: zenbait arlotan aurrerapausoak eman dituzten arren, aurrekontu hauek ez dute eredu aldaketa ahalbidetzen. Diru bilketa ez da nahikoa, ezta justua ere, enpresek eta kapital errentek beharko luketeena baino askoz gutxiago ordaintzen dutelako, Europako Batasunaren batez besteko presio fiskaletik urrun. Bestalde, ez dira beharrezkoak diren inbertsioak egiten sektore publikoa garatu, enplegua sortu eta behar sozialei erantzuteko".

Bi plataforma hauek bat egin dute aurrekontuei begirako sei aldarrikapenetan: politika publikoen egiturazko aldaketa; erreforma fiskal sakona: genero ikuspegia txertatzea; zorraren auditoria; parte hartze soziala; eta Nafarroan bertan eredu sozial eta ekonomikoaz erabakitzeko eskubidea
 

...irakurrri

AINHOA ETXAIDE "BERANDU BAINO LEHEN" SAIOAN (Azpitituluekin)

AINHOA ETXAIDE "BERANDU BAINO LEHEN" SAIOAN (Azpitituluekin)

...irakurrri